කැලණි ගඟට වැටි තරුණයා බේරා ගනිද්දී පෙම්වතිය ගඟට බිලි

වැල්ලම්පිටිය, කොහිලවත්ත ප්‍රදේශයේදී කැළණි ගඟට ඇද වැටී 21 හැවිරිදි තරුණියක් ජීවිතක්ෂයට පත්වී තිබෙනවා.

වැල්ලම්පිටිය ප්‍රදේශයේ තේ කර්මාන්ත ශාලාවක සේවය කරන තරුණියන් තිදෙනෙකු සහ තරුණයන් දෙදෙනෙකු අද (01) දහවල් කොහිලවත්ත, කැළණි ගං ඉවුර වෙත පැමිණ තිබුණා.

පිරිස ත්‍රීරෝද රථයකින් එම ස්ථානයට පැමිණ තිබූ අතර, කැළණි ගං ඉවුරේ ත්‍රීරෝද රථය නවතා එය පිරිසිදු කිරීමට එහි හිමිකාර තරුණයා කටයුතු කර තිබුණා.

එම අවස්ථාවේ දී ඔහුගේ පෙම්වතියද ජලයට බැසීමට උත්සාහ කර තිබූ අතර, ඔවුන් දෙදෙනාම හදිසියේ කැළණි ගඟට ඇද වැටී ගසා ගෙන ගොස් තිබුණා.

දියේ ගිලුණු තරුණයා නැවත ගොඩබිමට පැමිණ තිබූ නමුත්, ඔහුගේ පෙම්වතිය බේරා ගැනීමට හැකිවී නැහැ.

බගවන්තලාවේ පදිංචිකාරිනියක වූ ඇයගේ මළ සිරුර වරාය පොලිස් හා නාවික කිමිදුම් කොට්ඨාසයේ නිලධාරීන් විසින් පසුව සොයාගනු ලැබුවා.

Please Wait

You will be redirected automatically in 5 seconds...

If you are not redirected, click here

Redirecting in 5 seconds... Click here if not redirected