රුමේනියාවේ රැකියා ලබාදෙන බව පවසමින් රුපියල් කෝටි 74කට අධික මුදලක් වංචාකළ මහරගම පිහිටි විදේශ රැකියා නියෝජිත ආයතනයක අධ්යක්ෂවරයකු අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන තිබේ.
සැකකරු ඊයේ (31) නුගේගොඩ ප්රධාන මහෙස්ත්රාත් අධිකරණයට ඉදිරිපත්කළ අතර, එහිදී එළැඹෙන 14වනදා දක්වා රක්ෂිත බන්ධනාගාර ගතකරන ලෙස නියෝග කළේය.
අදාළ විදේශ රැකියා ආයතනය සම්බන්ධයෙන් අපරාධ පරීක්ෂණ දෙපාර්තමේන්තුවේ මූල්ය අපරාධ විමර්ශන අංශයට පැමිණිලි 400කට අධික සංඛ්යාවක් ලැබී තිබේ.
ඒ අනුව මූල්ය අපරාධ විමර්ශන ඒකක 1 මගින් විමර්ශන ආරම්භ කර ඇති අතර, එහිදී අනාවරණ වී ඇත්තේ විදේශ සේවා නියුක්ති කාර්යාංශයටද මේ සම්බන්ධයෙන් පැමිණිලි 117ක් ලැබී ඇති බවය.
අදාළ ආයතනය මගින් විදේශ රැකියා බලාපොරොත්තුවෙන් පැමිණෙන පුද්ගලයන්ගෙන් රුපියල් 850,000 (අටලක්ෂ පනස්දාහ) සිට රුපියල් 1,850,000 (දහඅට ලක්ෂ පනස්දහස) දක්වා මුදල් ලබාගෙන ඇති බව විමර්ශනවලදී අනාවරණ වී තිබේ.
Please Wait
You will be redirected automatically in 5 seconds...
If you are not redirected, click here
Redirecting in 5 seconds... Click here if not redirected
0 Comments