සජබේ මන්ත්‍රී ජගත් විතානගේට මරණ තර්ජන

තමා වෙඩි තබා ඝාතනය කරන බවට තොරතුරු ලැබී ඇති බව සමගි ජන බලවේගයේ පාර්ලිමේන්තු මන්ත්‍රී ජගත් විතාන මහතා පවසයි.

අද (24) පාර්ලිමේන්තුවේ දී ප්‍රකාශයක් සිදු කරමින් මන්ත්‍රීවරයා පැවසුවේ ඒ සම්බන්ධයෙන් විමර්ශනයක් සිදු කරන ලෙස පොලිස්පතිවරයා විසින් කළුතර ජ්‍යෙෂ්ඨ පොලිස් අධිකාරීවරිය වෙත ලිඛිත දැනුම්දීමක් ද සිදුකර ඇති බවය.

අදාළ ලිපිය පාර්ලිමේන්තුවේ සභාගත කිරීමට ද ජගත් විතාන මන්ත්‍රීවරයා පියවර ගත් අතර මේ පිළිබඳ කථානායකවරයාගේ අවධානය යොමු කිරීමට කටයුතු කරන බව නියෝජ්‍ය කථානායක රිස්වි සාලි මහතා එහිදී කියා සිටියේය.

අනතුරුව අදහස් දක්වමින් විපක්ෂ නායක සජිත් ප්‍රේමදාස මහතා පැවසුවේ මෙය බරපතළ තත්ත්වයක් බැවින් මේ සඳහා කඩිනම් ක්‍රියාමාර්ග ගැනීමට පියවර ගත යුතු බවය.

එම කතාබහට නියෝජ්‍ය කථානායකවරයා මෙන්ම ජගත් විතාන මන්ත්‍රීවරයා ද එක්විය.

Please Wait

You will be redirected automatically in 5 seconds...

If you are not redirected, click here

Redirecting in 5 seconds... Click here if not redirected