අයහපත් කාලගුණයත් සමඟ සුළි කුණාටු තත්ත්වය පහව යෑමෙන් පසු ත්රිකුණාමල ඇතුල් වරාය හා පිටත වරාය වෙරළට මියගිය කකුළුවන් විශාල ප්රමාණයක් මේ දිනවල ගොඩ ගසා තිබෙනවා.
රතු පාටට හුරු මෙම කකුළු විශේෂය අද (31) හා ඊයේ (30) මෙලෙස වෙරළට ගොඩ ගසා ඇති ආකාරය දැකගත හැකිවුණා.
මේ නිසා ඒ අවට අධික දුර්ගන්ධයක් පැතිර යන අතර නගර සභා හා ප්රාදේශීය සභා කම්කරුවන් යොදා මියගිය කකුළුවන් වෙරළේ වලවල් කපා වල දැමීමට බලධාරීන් කටයුතු කරගෙන යනවා.
මේ සම්බන්ධයෙන් කළ විමසුමකට පිළිතුරු දුන් ධීවර හා ජලජ සම්පත් දෙපාර්තමේන්තුවේ ත්රිකුණාමල සහකාර අධ්යක්ෂ ඉෂාර ටී. කම්කානම්ගේ පැවසුවේ සීත හා උෂ්ණ දියවැල් වල බලපෑම නිසා මෙම කකුළු විශේෂය මියගොස් ගොඩ ගැසීම ඇතිවීය හැකි ස්වභාවික තත්ත්වයක් බවයි.
පසුගිය වසරේදිත් මෙම කාලසීමාව තුළ මෙවැනි තත්ත්වයක් දක්නට ලැබුණු බවත් මෙම කකුළු විශේෂය මිනිස් පරිභෝජනයට නුසුදුසු ධීවරයන්ගේ දැල්වලට හානි කරන සත්වයින් බවත් සහකාර අධ්යක්ෂවරයා පැවසුවා.
මෙම තත්ත්වය එතරම් බිය වියයුතු තත්ත්වයක් නොවන බවත් එය ස්වභාවික තත්ත්වයක් බවත් සහාකාර අධ්යක්ෂවරයා තවදුරටත් සඳහන් කළා.
Please Wait
You will be redirected automatically in 5 seconds...
If you are not redirected, click here
Redirecting in 5 seconds... Click here if not redirected
0 Comments