ටිපර් රථයකට යටවී සිව් හැවිරිදි දරුවෙකු මරුට - කතක් රෝහලට

අම්පාර මහ රෝහල ඉදිරිපිට ප්‍රධාන මාර්ගයේ පදික මාරුව හරහා අද (22) දින ප.ව. 6.15ට පමණ ගමන් කරමින් සිටි සිව් හැවිරිදි පිරිමි දරුවෙකු සහ දරුවාගේ පුංචි අම්මා බව කියන කාන්තාවක් ටිපර් රථයකට යටවීමෙන්, දරුවා එම ස්ථානයේදීම මියගොස්, 27 හැවිරිදි පුංචි අම්මා බරපතල තුවාල ලබා රෝහල් ගත කල බව, අම්පාර පොලිසිය පවසයි.

රෝහල් ගතව සිටි දරුවාගේ මව බැලීම සදහා උහන 22 ජනපදයේ සිට පුංචි අම්මා සහ ආච්චී සමග රෝහලට පැමිණ ආපසු යෑම සදහා රෝහලෙන් පිටතට පැමිණ පදික මාරුව මතින් ප්‍රධාන මාර්ගය හරහා මාරුවෙමින් සිටිය දී කල්මුණ හංදිය දිහාවෙන් පැමිණි ටිපර් රථයකට පුංචි අම්මා සහ දරුවා යටවී ඇති බව, මූලික පොලිස් විමර්ශනයේ දී අනාවරණය වී ඇත.

අම්පාර මුලස්ථාන ප්‍රධාන පොලිස් පරීක්ෂක අසේල කේ. හේරත් මහතා විසින් සැකකරු සිද්ධිය වූ අවස්ථාවේදීම අත්අඩංගුවට ගෙන ඇත.

Please Wait

You will be redirected automatically in 5 seconds...

If you are not redirected, click here

Redirecting in 5 seconds... Click here if not redirected