මාතර නිල්වලා ගඟේ ලවණ බාධකය අවිධිමත්ව ඉදිකිරිම හමුවේ පැන නැගි ඇති ගැටලු විසඳීමට මෙරට තාක්ෂණික දැනුම ප්රමාණවත් නොවේ නම් විදේශිය රටක තාක්ෂණික දැනුම ලබා ගෙන ඒ සඳහා ස්ථීර විසඳුමක් ලබාදීමට කටයුතු කරන බව අමාත්ය සුනිල් හඳුන්නෙත්ති මහතා පවසයි.
එය නිරීක්ෂණය කිරීමට එක්වෙමින් අමාත්යවරයා මේබව ප්රකාශ කර ඇත.
මාතර දිස්ත්රික්කයේ ප්රදේශ රැසක පානීය ජල ගැටලුවට විසඳුමක් ලබාදිමේ අරමුණින් නිල්වලා ගඟ හරහා ස්වයංක්රීය ලවණ බාධකයක් ඉදිකලද එය නිසි ප්රමිතියට සකස් නොකිරීමෙන් අදටත් එම වැසියන් ගැටලුවකට මුහුණ පා සිටියි.
ඒ නියං කාලගුණයත් සමඟ නිල්වලා ගඟට කරදිය මිශ්රවිමෙන් ජාතික ජලසම්පාදන මණ්ඩලය මගින් ලබා දෙන ජලය සීමා කිරීමට පියවර ගැනීමත් සමගයි.
මෙම ගැටලුව පිළිබඳව මාතර දිස්ත්රික් සම්බන්ධිකරණ කමිටුවේ සභාපති අමාත්ය සුනිල් හඳුන්නෙත්ති මහතාගේ අවධානය යොමුව තිබුණි.
ඉන් අනතුරුව නිල්වලා ගඟට කරදිය මිශ්රවිම වලක්වාලමින් නිල්වලා ගගේ ඉදිකළ ලවණ බාධකය අසලින් කපා ඇති අතුරු ඇල වැලි කොට්ට දමා වසා දැමිමට තීරණය කර තිබේ.
ඒ අනුව ඊයේ සිට මාතර ආපදා කළමණාකරණ ඒකකයේ නිලධාරින් හා 9 වන ශ්රී ලංකා සිංහ රෙජිමේන්තුවේ හමුදා සෙබළුන් එක්ව ජලසම්පාදන මණ්ඩලයේ අධීක්ෂණ යටතේ එම ස්ථානයේ වැලි කොට්ට ඇතිරිම ආරම්භ කෙරුණි.
Please Wait
You will be redirected automatically in 5 seconds...
If you are not redirected, click here
Redirecting in 5 seconds... Click here if not redirected
0 Comments